„მიქაბერიძე და პარტნიორების“ მართველი პარტნიორია. რევაზს აქვს იურისტად მუშაობის 15 წლიანი გამოცდილება და პრაქტიკა, რომელიც მოიცავს არაერთ სფეროს, მათ შორის, კორპორაციულ და სახელშეკრულებო სამართალს, უძრავ ქონებას, ნებართვებსა და ლიცენზიებს, შრომისა და ინტელექტუალური საკუთრების სამართალს, საერთაშორისო ხელშეკრულებებს; აქვს მონაწილეობა მიღებული კანონპროექტებისა და ნორმატიული ადმინისტრაციულ-სამართლებრივი აქტების პროექტების შემუშავებაში.

რევაზ მიქაბერიძეს აქვს საქართველოს რამდენიმე მსხვილ კომპანიაში იურისტად მუშაობის მრავალწლიანი გამოცდილება. იგი წარსულში მუშაობდა არასამთავრობო ორგანიზაციების იურისტად, ასევე საქმიანობდა სხვადასხვა ადმინისტრაციულ ორგანოებში; არის საქართველოს ადვოკატთა ასოციაციის წევრი - ლიცენზირებული ადვოკატი საერთო სპეციალიზაციით.

რევაზ მიქაბერიძე 2019 წლიდან 4 წლის ვადით არჩეულ იქნა საქართველოს პარლამენტის მიერ საპროკურორო საბჭოს წევრად სამოქალაქო სექტორიდან. მას სხვადასხა ავტორიტეტულ გამოცემებში გამოქვეყნებული აქვს რამდენიმე სამეცნიერო სტატია სახელშეკრულებო სამართლისა და უძრავი ქონების სამართლის ცალკეულ საკითხებზე.

„მიქაბერიძე და პარტნიორების“ პარტნიორია. ლიკას აქვს იურისტად მუშაობის 15 წლიანი გამოცდილება და პრაქტიკა ისეთ სფეროებში, როგორიცაა სახელშეკრულებო, საოჯახო და მემკვიდრეობითი სამართალი, საერთაშორისო ხელშეკრულებები, შესყიდვების სამართალი, პროცესუალური და საჯარო სამართალი. მას მონაწილეობა აქვს მიღებული არაერთ მსხვილ სახელმწიფო პროექტის განხორციელებაში.

ლიკა გოგოლაძეს აქვს საქართველოს რამდენიმე უმსხვილეს კომპანიაში იურისტად მუშაობის მრავალწლიანი გამოცდილება. მას წლების განმავლობაში ეკავა სხვადასხვა სამსახურის და მათ შორის, იურიდიული სამსახურის უფროსის პოზიციები. იგი წარმატებით ართმევდა თავს ურთულეს სამართლებრივ გამოწვევებს. იგი არის საქართველოს ადვოკატთა ასოციაციის წევრი - ლიცენზირებული ადვოკატი სამოქალაქო და ადმინისტრაციული საართლის სპეციალიზაციით.